Ngasja dimërore në distanca të shkurtra nuk është ekonomike sepse në atë rast automjeti konsumon më shumë karburant, pra motori nuk arrin të ngrohet si duhet.

Mesatarisht, në temperaturë prej minus 7 gradë, automjeti konsumon deri në 12 për qind më shumë se në pranverë ose verë, kur temperatura është rreth 25 gradë.

Arsyet janë disa: motori ka nevojë për pak kohë për t’u ngrohur deri në temperaturën optimale, ku funksionon më efikas. Mot i ftohtë ul presionin në goma, gjë që mund të rrisë rezistencën në rrotullim dhe konsumimin e karburantit (kontrolloni herë pas here presionin e gomave).

Ajri i ftohtë është më i dendur se ai i ngrohtë, prandaj rritet rezistenca gjatë ngasjes dhe konsumi i karburantit.

Kur rruga ka borë dhe akull, rrotat e tërheqjes rrëshqasin më shumë, çka gjithashtu rrit konsumimin e karburantit. Ngasja më e ngadaltë deri në 60 km/h gjithashtu ndikon negativisht në konsum.

Do t’ju ndihmojë të parkoni në ambiente më të ngrohta, si garazhet. Gjithashtu, kur ndizni automjetin, filloni të vozisni sa më shpejt të jetë e mundur, sepse kështu edhe motori ngrohet më shpejt.

Mos përdorni për një kohë të gjatë funksionet për mbajtjen/pastrimin e xhamave dhe ngrohjen e ulëseve. /Telegrafi/